GENERAL TRIAS, CAVITE – Pilason ang isa ka lalaki matapos nga ginkawatan kag ginluthang sa General Trias, Cavite.
Ang biktima, ginkahuna nga prank lang ang hold-up sa iya.
Sa kuha sang Closed Circuit Television, malantaw ang video sang biktima, nga magabakal lang kuntani sang kape, nga nagatingkaya kag nagapamarikutot sa kasakit sa karsada.
Naluthangan ang lalaki sa iya nga hawak antes magtungang gab-i sang Huwebes.
Nagguwa sa inisyal nga impormasyon sang kapulisan nga nakaparada ang motorsiklo sang biktima, sang nag-urong sa iya nga likod ang isa pa ka motorsiklo nga may sakay nga tatlo ka mga lalaki.
Tubtob sa pilit na nga ginkuha sang mga suspek ang yabe sang motor kag bag sang biktima.
Gintaban man sang mga suspek ang motor sang biktima, nga ginkahuna nga prank lang ang insidente.
Wala gadahom ang biktima nga luthangon pagid ini siya sang isa sa mga suspek.
Nagapaayo na subong ang biktima matapos nga nagpaidalom sa operasyon.
Ginsiling sang General Trias Police nga base sa mga kuha sang CCTV, nakaputi nga kamiseta kag puti nga helmet ang isa ka suspek samtang lunsay nga naka-jacket ang duha ka iban pa.
Padayon na nga ginahibalo ang identity sang mga suspek.
