PUNTA TABUC ROXAS CITY – Ginkumpirmar ni PMSG. Ramil Arcangeles tagpamaba sang Roxas City PNP nga guha sulod na sa presohan ang lalaki nga ginluthan-patay sa Hermano Subd., Barangay Punta Tabuc, Roxas City bangud sa kaso may kaangtanan sa illeal nga droga.
Matandaan nga wala makasalbar sa kamatayon si Kasmar Bacarro, 32-anyos kag residente sang Barangay Malocloc Sur, Ivisan, Capiz apang temporaryo nga nagapuyo sa nasambit nga lugar matapos ginluthang-patay sang isa sa mga suspek nga wala pa matumod kun sa diin naigo ini sa wala nga bahin sang iya ulo kag dughan.
Sa interview kay Arcangeles, ginpahayag sini nga magapatigayon sila sang pagpakighinala sa pamilya sang biktima kun luyag sang mga ini nga ipaidalum sa autopsy ang bangkay sang ila himata kag ginahulat pa nila sa karun ang resulta sang test sa mga narekober nga ibedensya sa ginluntaran sang insidente ilabi na ang isa ka sachet.
Suno kay Arcangeles, nga anay na nga nadakpan sa buy-bust operation si Bacarro sadtong Agusto, 2016 kag 2019 lunsay may kaangtanan sa illegal nga droga kag posible suno diri nga ini ang isa sa mga rason ukon anggulo ang ginalantaw nga motibo kamatayon sa iya kamatayon.
Sa karun, padayon pa nga ginpadalman sang mga kapulisan ang natabo nga insidente.
