Arestado ang isa ka lalaki matapos ginserbihan sang warrant of arrest sa Barangay Dolores, Dumalag, Capiz.
Ang wala na ginhingadlan nga akusado ang residente sang nasambit nga Barangay.
Nagapangatubang ang akusado sang 2 counts of Grave Threats in relation to Republic Act no. 7610 kun sa diin ang warrant of arrest ang gin-isyu kag ginpirmahan ni Hon. Judith D. Orendain – Tonogbanua, Presiding Judge, Regional Trial Court, 6th Judicial Region Branch 20, Mambusao, Capiz nga napetsahan sadtong Pebrero 18, 2025.
Ginrekomendar naman sang korte ang piyansa nga kapin P36,000 para sa temporaryo sini nga kahilwayan.
Sa karon, yara na ang akusado sa paghinakop sang Dumalag PNP kag natalana nga i-turnover sa iya sini nga court of origin para sa nagakaigo nga disposisyon.
