Kun kaisa, bangud sa ginabatyag ta nga kasakit kag kasubo, indi ta mapunggan ang maghibi kag magpautwas sa mga tawo nga aton ginasaligan.
Apang didto sa Spain, isa ka lalaki ang nagpakitluoy sa mga otoridad nga isulod na lang siya sa presohan.
Nakit-an si Justo Marquez, 60-anyos nga may yara sang suksok nga placard nga nagasiling nga luyag sini nga mapreso.
Suno kay Marquez, naistorya na niya ang prison warden apang wala siya ginpahanugotan sa iya voluntary incarceration.
Ginpahayag niya nga naka-eksperyensya siya sang tuman kasubo kag ginalantaw niya nga ang pagtinir kuntani niya sa presohan amo ang makabuhin sang iya kasubo.
Nahibaluan nga makapila na ka beses nga gin-refer sa mental health services si Marquez apang pahayag niya, wala ini sang may nahatag nga improvement sa iya kahimtangan.
