Lalaki nga natagpilukan samtang nagamaneho sang motorsiklo, patay matapos maaksidente

ROXAS CITY – Patal nga pilas sa ulo ang gintunaan sang kamatayon sang 24-anyos nga lalaki nga natagpilukan samtang nagamaneho sang motorsiklo sa Barangay Anhawon, Panay, Capiz.

Ginkilala ang biktima kay Renaldo Laguardia sang Barangay Tacas, Pontevedra, Capiz

Nagapauli na ang biktima sa banwa sang Pontevedra sakay sa motorsiklo sang matagpilukan.

Nabungguan sini ang mga tanum kag nagdiretso pa sa semento kag nagtabog.

Gindala pa sa ospital ang biktima, apang gindeklara ini nga dead on arrival.