Isa ka 60-anyos nga lalaki sa China ang bag-o lang nag-viral sa mga social media websites matapos nga ginpakita sang isa ka documentary ang iya kabuhi bilang isa ka squatter sa Beijing Airport!
Sugod sang 2008, si Wei Jianguo nagapuyo sa Beijing Airport. Ang iya pamilya buhi pa kag may kaugalingon sila nga puluy-an, apang ginpili ni Wei nga magpuyo sa erport.
Sang 46 anyos si Wei, ginpahalin siya sa iya trabaho kag nangin depressed. Ang pag-inom kag pagpanigarilyo nangin paagi niya nga malipatan ang iya mga problema. Sang nangin alkoholiko si Wei, gintinguhaan sang iya pamilya nga punggan ini syia.
Bangud nabatyagan ni Wei nga wala siya sang kahilwayan sa iya kaugalingon nga puluy-an, nahunahuna niya nga magpalagyo kag magpuyo sa Beijing Airport.
Upod ang isa ka electric cooker, isa ka habol kag pila ka mga panapton, si Wei nagapuyo sa airport sa sulod sang kapin sa isa ka dekada. Suno sa iya, ang mga pasilidad sa Beijing Airport ang pinakabag-o, gani wala siya sang problema sa pagpuyo didto.
Sa sulod sang nagligad nga 14 ka tuig, ang mga pulis nagpauli sa iya sang pila ka beses kag ginbalik siya sa iya pamilya, apang bangud wala sang estrikto nga kasuguan nga nagadumili sa iya sa pagtener sa airport sang tuman kalawig, si Wei padayon nga nagabalik.
Sa subong, wala sang plano si Wei nga maghalin sa Beijing Airport kag nagapuyo na didto sa sulod sang 5,198 ka adlaw.
