Ginalauman na sang isa ka legal expert nga igabasura gihapon sang International Criminal Court (ICC) Appeals Chamber ang interim release ni former President Rodrigo Dutertematapos una na ini nga ginturn down sang September 2025 nga naka-base sa Article 58.
Sa interview sang Bombo Radyo kay Atty. Rodel Taton, Dean sang Graduate School of Law sang San Sebastian College–Recoletos, iya ginpahayag nga manubo ang posibilidad nga aprubahan ang amo nga request bangud wala na nag-attend si Duterte sa hearing kag ang iya lang nga legal team ang nag-atubang.
Suno kay Atty. Taton, may tatlo ka klaro nga risk kun ngaa indi dapat paghatagan sang temporaryo nga kahilwayan si Duterte: una, ang posibilidad nga magpalagyo ini, ang posibilidad nga distorbohon niya ang proseso sang kaso,kag ikatatlo, ang risgo nga maka-impluwensya siya sa mga testigo kag sa ebidensya.
Pahayag pa niya, malayo pa ang hustisya apang nagapadayon ang pag-review kag pag-tsekyar sang mga miyembro sang International Criminal Court sa ginpresentar nga ebidensya batuk kay Duterte.
Sa subong, yara si former President Duterte sa detention center sang International
Criminal Court sa The Hague, Netherlands samtang padayon pa ang investigation stage sang kaso.
Nagapanawagan man ang natungdan nga indi insigida magpati sa mga nababasa ukon nalantaw sa social media, kinahanglan timbangon ang impormasyon antes maghimo sang konklusyon.
