Nagpahanumdom ang isa ka legal expert nahanungod sa importansya sang pagrespeto sa privacy sang iban nga tawo.
Sa interview sang Bombo Radyo kay Atty. Klint Kervin Bonite sang Integrated Bar of the Philippines- Capiz Chapter, iya ginpahayag nga sa idalum sang data privacy act, hugot nga ginadumilian ang pag-screenshot sang mga mensahe nga wala sang pahanugot.
Suno pa kay Atty. Bonite, sa idalum naman sang anti-wire tapping law, ginabawal naman ang pagkuha sang video without consent sa tawo nga ginakuhaan.
Pahayag pa niya, lakip man sa elemento sang cybercrime ang pagpakamalain sa isa ka tawo gamit ang social media apisar wala sang may ginadirekta tumod nga pangalan.
Nagpanawagan man ang natungdan nga kun may mga problema kag kinahanglan sang legal nga aksyon, makig-angot sa abogado kag indi pag ipaagi sa social media.
