ROXAS CITY – Epektibo na sini nga school year 2018-2019 ang implementasyon sang Universal Access to Quality Tertiary Education Act sa tanan nga mga State Colleges and Universities (SUC’s).
Sa interview sang Bombo Radyo Roxas kay Senator Bam Aquino, guest speaker sa foundation day sang Capiz State University (CAPSU), ginpahayag sini nga nakigsapol na ini sa mga opisyales sang nasambit nga unibersidad kag ginpalab-ot ang implementasyon sang libre nga tuition kag miscellaneous fees sa mga SUC’s.
Suno pa kay Senator Aquino nga tinutuyp sang libre nga tuition fee para mabuligan ang mga ginikanan kag estudyante nga luyag makatapos sa ila nga pag-eskwela nga wala na sang panumdumon nga balayaran.
Nahibaluan nga may pondo nga nagalab-ot sa P41 bilyones para sa nasambit nga programa.
