Linibo nga tawo, nagtambong sa lubong sang 12 ka mga Houthi leaders nga napatay sa Israeli strike sa Yemen

Linibo nga tawo ang nagtambong sa pinakadako nga mosque sa Sanaa, Yemen para sa lubong sang 12 ka mga mataas nga opisyal sang Houthi lakip na ang ila Prime Minister nga napatay sa Israeli airstrike.

Natabo ang pag-atake sang nagligad nga seman sa diin madamo nga tawo ang nagtipon agud maglantaw kuntani sang televised speech sang top Houthi leader nga si Abdul Malik al-Houthi.

Kadam-an sa mga myembro sang gabinete sang grupo ang napatay sa amo nga insidente.

Santang ginapatigayon ang lubong sa Al Saleh Mosque, nagasinggitan ang mga tawo sang Houthi slogan nga “God is Great, Death to America, Death to Israel, Curse on the Jews, Victory to Islam.”