Lolo nga nagatabok sa dalan, nabungguan sang motorsiklo

ROXAS CITY – Pilas sa magkatuhay nga parte sang lawas ang naangkon sang senior citizen matapos aksidente ini nga nabungguan sang motorsiklo, sa Barangay Duran, Dumalag, Capiz.

Ginkilala ang tigulang kay Gregorio Fantilanan Floro, 81-anyos.

Samtang ang driver sang Honda click nga motorsiklo amu si Nilda Nuevo, 54-anyos, lunsay mga residente sang nasambit nga barangay.

Sandig sa impormasyon nagikan sa Dumalag MPS, hinali nalang nagtabok sa karsada ang nasambit nga senior citizen, rason nga posible naalang-alangan ang driver sang motorsiklo.

Bangud sini, natumba ang motorsiklo kag lunsay ang mga ini nag-angkon sang kapilasan sa lawas.

Natigayon man nga ma-husay ang duha ka kampo.