Nagpasalig si Lotlot de Leon sa isa ka post sa social media sang Biyernes, Abril 25, para sa iya iloy nga si Nora Aunor, National Artist, nga nagtaliwan sang Abril 16 nga padayon niya nga atipanon ang legasiya nga ginbilin sang iya iloy sa ila mga utod.
Dugang pa ni Lotlot, adlaw-adlaw niya nga gina-istorya ang iya iloy kag nagapati ini nga padayon ini nga nagagiya sa iya. Ginpakigbahin man sini ang pangako nga atipanon ang iya mga utod kag mga apo ni Nora, suno sa luyag sang iya iloy.
Ginpakigbahin man sini nga daku gid ang iya pagpasalamat sa mga nagapalangga sa iya iloy kag nagpasalamat man ini sa mga nagpakita sang suporta sa ila bug-os nga pamilya.
Matandaan nga sadtong Abril 23, ginlubong ang bangkay ni Nora Aunor sa libingan nang mga bayani.
