LPA, nagsulod nasa PAR; Posible nga mangin isa ka tropical depression sa masunod nga 24 oras

Nagsulod na sa Philippine Area of Responsibility (PAR) ang isa ka low-pressure area (LPA) nga nahamtang sa sidlangan sang Mindanao, suno sa Philippine Atmospheric, Geophysical and Astronomical Services Administration (PAGASA).

Sa ila advisory, ginpahayag sang ahensya nga ang LPA nahamtang sa 845 kilometers nasidlangan sang Northeastern Mindanao kag dako ang posibilidad nga mag-develop ini sa isa ka tropical depression sa sulod sang 24 oras.

Kon mangin isa ini ka tropikal nga depresyon, pagatawgon ini nga “Verbena.”

Base sa forecast track, ginalauman nga maapektuhan sang bagyo ang kalabanan nga bahin sang Visayas kag Southern Luzon.