Ang mga ginikanan, madula lang sa ila panan-awan ang ila kabataan, nagasala-sala na!
Apang didto sa Barcelona, Spain, nasarangan sang mag-asawa nga i-abandona ang ila anak sa airport nga 10 ka tuig pa lamang! Ang rason…. Expired ang passport!
Natabo ini sa El Prat Airport sa Barcelona, Spain. Suno sa air traffic controller, nakit-an sang mga pulis ang bata nga nagaisahanon.
Sang ginpamangkot siya, nagsabat ang bata nga ginbilin siya sang iya ginikanan nga nagpadulong sa Morocco para mag bakasyon.
Bangud diri, wala ginpalupad ang eroplano nga ginsakyan sang iya ginikanan.
Sang ila gin-istorya ang iloy kag anay, nakibot ang airport official sa sabat nila nga sang nadiksubre nga indi valid ang passport sang ila nga bata kag nagdesisyon sila nga bayaan na lang ini sa airport.
Nagtawag na lang sila sa ila paryente nga sugaton ang bata sa airport kag nagsakay sila nga mag-asawa sa eroplano.
Nagapangatubang subong ang mag-asawa sang kaso nga pag-abandonar sa ila nga anak kag pagtuga sang delay sa flight.
