Mag-asawa nga upline sang double your money investment scheme ni certain Robert Rivera, ginreklamo sa mga kapulisan

ROXAS CITY – Nagpadulong sa Roxas Component City Police Station ang wala na ginhingadlan nga persona agud ireklamo ang mag-asawa nga ginaalegar salaligan nga upline sang double your money investment scheme ni Robert Rivera.

Ginareklamo sini sanday Joselito kag Honeylyn Anciano sang Brgy. Baybay, syudad sang Roxas.

Sandig sa ginpabalhag sang tagreklamo nga gin-engganyo ini ni Honeylyn nga magpay-in sang kuwarta kag ginpromisa nga magabalik sang doble sa sulod sang 30-diyas.

Dugang pa sini, nga may pa-raffle pa nga 10 ka motorsiklo sa kantidad nga P5,000 ang kada coupon.

Apang, wala suno diri nagbalik ang ila capital.

Bangud sini, ginpakamaayo sang tagreklamo nga ireport sa katapo sang kapulisan.