-- ADVERTISEMENT --
ROXAS CITY – Gindala sa Roxas City Police Station ang ugangan kag iya umagad matapos ang nagluntad nga kinagamo sa Barangay Mongpong, Roxas City.
Nagpanawag sang responde sa Roxas City Police Station si Ronald Langurayan matapos nga nagakinagamo sanday Bernardo Palomar, 58-anyos kag umagad sini nga si John Marwin Artillero lunsay mga residente sang nasambit nga lugar.
Ginapahayag nga yara sa idalom sa impluwensya sang makahulubog nga ilimnon si Palomar kag Artillero sang natabo ang insidente.
Nag-angkon naman sang pilas sa lawas ang duha nga gilayon naman gindapatan sang nagakaigo nga pagbulong sang nagresponde nga Capiz Emergency Response Team ukon CERT./
