Arestado ang maglive-in partner nga nadakpan sa ginpatigayon sang mga kapulisan nga drug buy bust operation sa Barangay Nagba, Cuartero, Capiz.
Ginkilala ang nagkaladakpan nga sanday Alyas “Ar-Ar” kag upod sini nga babayi nga si alyas “Yan” nga lunsay mga residente sang nasambit nga lugar.
Sandig sa inisyal nga impormasyon nagikan sa Cuartero MPS, ginapahayag nga nakuha sa paghinakop sang duha ang 1 ka sachet sang ginaalegar shabu kag P2,200.00 nga buy bust money.
Dugang nga nakuha sa mga suspek ang calibre .22 home-made revolver, kag isa ka yunit sang motorsiklo.
Magapangatubang ang mga suspetsado san kaso nga paglapas sa R.A 10591 ukon “Comprehensive Law on Firearms and Ammunitions Regulation Act” kag R.A 9165 ukon “Comprehensive Dangerous Drugs Act of 2002”.
Sa karon, yara na ang mga ini sa kustodiya sang Cuartero MPS para sa nagakaigo nga disposisyon.
