Roxas City – Wala mapunggan sang self-proclaimed ‘Appointed Son of God” kag founder sang Kingdom of Jesus Christ (KJC) nga si Pastor Apollo Carreon Quiboloy nga magpahayag angut sa ginakadalahigan nga kontrobersiya.
Sa iya ‘Anointed Songs of Healing’ nga ginpost ni Quiboloy sa iya official Facebook page, ginsiling sini nga mabudlay ang mangin “Appointed Son of God” bangud tanan nga kasal-anan ang igabato sa iya.
Ginpaanggid man sini ang iya kaugalingon sa isa ka diamante, nga kaangay suno diri, bisan diin mo man ihaboy nga labnuon ukon higko, magapabilin ini nga diamante.
Dugang pa sini nga posible wala na sang iban nga tawo nga gintawag ang ‘Ama’ kundi siya lang.
Matandaan nga kalakip si Quiboloy kag ang duha pa sini ka church members sa US Federal Bureau of Investigation (FBI) nga wanted sa mga kaso nga: conspiracy to engage in sex trafficking by force, fraud and coercion, sex trafficking of children, marriage fraud, fraud and misuse of visas, bulk cash smuggling, promotional money laundering, concealment money laundering kag international promotional money laundering.
“Tulad nga ng sinabi kong matagal na, kahit isang libong unggoy ang nangungutya sa akin na dumadaan ako, isang leon, nawawala ba ang pagka-leon ko dahil isang libong unggoy ang kumukutya sa akin?, hindi, ganun din ang diamante, kahit san mo pa ibato, diamante yan, ang ginto ganun din pag dumaan sa apoy, Eh walang matapang na tinawag ang Ama siguro talaga ngang akoy binigyan Niya ng ah.. ng ah.. buhay na ganto, bigay Niya to eh, entrusted ang buhay natin sa Kanya.” pahayag ni Quiboloy.
