Makabayan bloc, nagkondena sa pahayag ni FPRRD angut sa ‘pagpatay’ sang 15 senador

Ginkondena sang Makabayan bloc ang nangin pahayag ni anay Pangulong Rodrigo Duterte angut sa pagpatay sa ginapahayag 15 nga senador agud mapasulod ang senatorial lineup sang PDP-Laban.

Sa isa ka pahayag ginsiling ni ACT Teachers Partylist Rep. France Castro nga delikado kag indi kinahanglan himuon nga lahog ang “pagpatay.”

Ginsiling naman ni Gabriela Women’s Party-list Rep. Arlene Brosas nga tapos na ang mga Pilipino sa nasambit nga halambalon ni Duterte.

Matandaan sa ginpatigayon nga proclamation rally sang PDP-Laban naghatag sang pahayag si Duterte angut sa mga senador agud mag-angkon sang

puwesto sa Senado ang walo nila nga senatorial candidates sa PDP-Laban.