Ginpanginwala sang Malacañang ang espekulasyon nga plano sang administrasyon nga islan si Speaker Faustino “Bojie” Dy III bilang lider sang Kamara.
Suno kay Communications Undersecretary Claire Castro, wala nagpahilabot si Presidente Ferdinand Marcos Jr. sa internal affairs sang Kongreso kag wala sang gahum ang Presidente sa pagpili sang liderato sang Kamara.
Dugang pa niya, ang mga katapo sang Kamara ang nagadesisyon kun paano nila padalaganon ang ila hanay.
Nahibaluan nga nagtuhaw ang isyu angut sa posible pagbulos kay Dy matapos ginpahayag nga nagapangita sang mas mabaskog nga lider ang pila ka mga kaalyado sang Presidente sa tunga sang pending nga impeachment complaint batok kay President Marcos Jr.
Samtang ginpanginwala naman ni House Deputy Speaker Ronaldo Puno nga ginapahayag isa sa posible magabulos nga may pagbag-o sa liderato, kag nagpanindugan nga nagapabilin ang iya suporta kay Speaker Dy.
