Magahatag ang Malacañang sang tig-P100,000 nga bulig pinansyal sa duha ka miyembro sang Philippine Navy nga napilasan sa nagluntad nga insidente sa Ayungin Shoal.
Suno sa Malacañang, ang ayuda ang bilang pagkilala sa sakripisyo kag dedikasyon sang mga suldado nga napilasan samtang ginatuman ang ila katungdanan sa ginadumalahan nga bahin sang West Philippine Sea.
Wala pa may ginpaguwa ang Malacañang sa identity sang duha ka Navy personnel kag ang detalye sang ila mga pilas apang, ginsiguro sini nga padayon sila nga buligan samtang nagapaayo.
Madumduman nga una na nga nagpahayag ang Armed Forces of the Philippines (AFP) nga ginlampusan sang kahoy nga baton ang isa ka miyembro sang Philippine Navy nga nagresulta sa pilas sa iya ulo.
Natabo ini sa tunga sang padayon nga pagpanindugan sang Pilipinas sa ila kinamatarong kag soberanya sa amo nga karagatan nga sakop sang exclusive economic zone (EEZ) sang pungsod.
