Nag-ugyon ang Malacañang sa pahayag ni VP Duterte nga indi tanan nga Cabinet secretaries sa administrasyon ni President Marcos competent.
Suno kay Palace Press Officer Claire Castro, nangin matuod ang hambal ni Duterte bangud siya mismo ang nag-aku nga wala siya sang ihibalo sa pagpadalagan sang Department of Education (DepEd) bisan pa ginsaligan sang Presidente.
Kasunod sini ginkuwestyon man sang Palasyo ang track record ni VP Duterte sa DepEd, lakip na ang mga isyu sang ghost students, vouchers, food packs, laptops, kag school materials.
Dugang pa ni Castro, indi dapat pag ibasol sang VP President ang mga nasambit nga kontrobersiya bangud ini ang nagluntad samtang siya pa ang DepEd secretary.
Sa ulihi, gintindugan sang Malacañang nga ang eksperyensya ni Duterte sa gabinete ang nagapamatuod nga indi tanan nga ginpahamtang sa pwesto ang nagaguwa nga epektibo sa ila katungdanan.
