Ginkumpirmar sang Palasyo sang Malakanyang ang pag-aresto kay Former President Rodrigo Duterte kaina sang aga.
Ini matapos nga nabaton kaina sang sang INTERPOL Manila ang official copy sang warrant of arrest gikan sa International Criminal Court (ICC).
Suno sa Presidential Communications Office (PCO), alas 9:20 kaina sang aga Marso 11, 2025, sang nag-abot sa pungsod ang anay Pangulong Rodrigo Duterte kag ang iya nga grupo gikan sa Hong Kong sakay sang isa ka commercial flight.
Sa iya nga pag-abot,gin-file sang Prosecutor General ang ICC notification para sa isa ka arrest warrant sa anay Pangulo para sa krimen batuk sa tawhanon nga kinamatarong ukon crime against humanity.
Ginpasiguro sang PCO nga ang anay Pangulo kag ang iya nga grupo ang yara sa maayo nga health kag gin-tsekyar sang mga doctor sang gobyerno agud masigurado nga yara ini sa maayo nga kahimtangan.
Ang mga opisyal sang PNP nga nagpatuman sang warrant ang ginsiguro nga may suksok nga body camera agud mapamatud-an ang transparency sa pagserbi sang warrant of arrest.
Sa karon, yara na sa kustodiya sang mga natungdan ang anay pangulo.
