Naapektuhan ang masobra 129,000 ka mga pamilya bangud sa mga habagat, bagyo Mirasol, Nando kag Opong sa Western Visayas.
Suno sa Regional Disaster and Risk Reduction and Management Council (RDRRMC), may yara sang 25,135 ka pamilya ang apektado sa probinsya sang Aklan, 37,188 sa probinsya sang Antique, 18,586 sa probinsya sang Capiz, 35,057 sa probinsya sang Iloilo kag 13,379 sa probinsya sang Guimaras.
Samtang, may yara sang 1,639 ka mga puluy-an ang nawasak kag masobra P43 million ang halit sa imprastraktura.
Ang probinsya sang Aklan ang ginpaidalum na sa state of calamity bangud sa tuman nga epekto sang nag-agi nga mga bagyo.
Sa subong, padayon nga gina-monitor sang RDRRMC ang dugang pa nga mga numero sang mga nahalitan sang Bagyo Opong.
