Nagapamahog ang malapnagon nga pagbaha bangud sa ginalauman nga mabaskog nga pag-ulan nga posible dal-on ni Bagyo Uwan samtang nagahilapit ini sa landmass sang pungsod.
Suno kay Romeo Ganal Jr., pinuno sang PAGASA Northern Luzon, ang bagyo ang posible magatupa sang mabaskog nga ulan sa kabukiran sang Cordillera Administrative Region kag Cagayan Valley.
Bangud sini, suno sa iya, ang amo nga ulan mahimo nga mag-ilig sa mga komunidad sa duha ka nasambit nga rehiyon, nga nagatuga sang pag-awas sang tubig.
Suno sa forecast sang weather bureau, mahimo magtupa ang masobra 200 millimeters (mm) sang ulan sa Northern Luzon, apang wala man ginadula ang posibilidad nga magtaas ini sa 300 MM tubtub 400 MM.
Bangud sini, mas maayo suno sa natungdan nga mag-evacuate sang temprano ang mga residente, ilabi na ang mga prone sa baha.
Suno kay Ganal, mataas man ang pamahog sang storm surge sa higad sang eastern seaboard nga tuman ka delikado para sa mga marinero kag mangingisda.
Posible suno sa iya nga makalab-ot ini sa Ilocos Region, apisar nga yara na ini sa northwestern seaboard sang pungsod.
