Nakapagkit na man ang Malaysia sang una nga kaso sang mpox clade II variant subong nga tuig.
Ang positibo nga pasyente ang isa ka lalaki nga may travel history pila ka semana bag-o makabatayag sang sintomas sang mpox.
Sadtong Setyembre-11, nagsugod makabatyag sang mga sintomas ang nasambit nga pasyente kasaubong sang lagnat, pagpalanakit sang tutunlan, pag-ubo, kag pagpalanakit sang tiyan.
Gilayon siya nga gindala sa ospital sa sumunod nga adlaw matapos siya nga makitaan na sang mga pantal.
Ini ang una nga kaso sang mpox clade II variant subong nga tuig sa Malaysia.
Kasubong man, sadtong nakaligad nga tuig may yara sang isa ka pasyente ang nakumpirma/nagpositibo sa nasambit nga sakit.
Agosto 14 sadtong gindeklara sang World Health Organization (WHO) ang mpox bilang public health emergency of international concern matapos matukiban ang madasig nga paglapta sang sakit.
Apisar, una ini nga naglapta sa mga African countries, madamu sang mga teritoryo na ang nakapagkit sini kasubong sang mga European kag Southeast Asian nations.
