ROXAS CITY – Pilason ang 32-anyos nga manghodmatapos nga nalab-an sang iya 40-anyos nga magulang, sa Sitio proper, Brgy. Agloway, Panitan, Capiz.
Ginkilala ang biktima kay Joeliobal Hontiveros Albos, residente sang Sitio Makabeles, sa amu nga barangay.
Samtang ang iya magulang amu si Brgy. Kagawad Eugine Hontiveros Albos, nga lunsay mga residente sang nasambit nga lugar.
Sandig sa inisyal nga imbetsigasyon sang katapo sang Panitan Municipal Police Station, nga alas-12:05 kaina sang kaaganhon, sang nag-abot ang biktima sa balay sang ila ginikanan nga yara sa impluwensiya sang makahulubog nga ilimon, kag ginaalegar nga nagmaoy.
Bangud sini, nagpadulong ang ila iloy nga si Teresita Albos, sa barangay hall agud magpangayo sang bulig.
Nagresponde man ang nasambit nga barangay kagawad kaupod ang katapo sang BPATs kag gintinguhaan nga pauntaton ang nagamaoy nga utod, apang ginaalegar nga ginsulong ini sang biktima nga may bitbit nga binangon pangtubo kag nagpanglabo apang nakalikaw ang magulang kag naagaw sini ang amu nga hinganiban kag nalab-an ang manghod sa magkatuhay nga parte sang iya lawas.
Nagdalagan ang biktima apang sang ulihi natigayon ini nga makit-an sang rescuers kag ginpadanagt sa Bailan District Hospital.
Samtang boluntaryo nga nagsungka ang magulang sa katapo sang kapulisan.
