Mangingisda nadakpan nga nagapatigayon sang iligal nga pagpangisda sa banwa sang Panay

ROXAS CITY – Arestado ang isa ka mangingisda nga nagapatigayon sang “MINI-TRAWL” isa ka sahi sang iligal nga pagpangisda sa kalalawran nga sakop sang Panay, Capiz.

Ginkilala ang nadakpan kay Raffy Alaro, 39-anyos residente sang Barangay Marita, banwa sang President Roxas.

Narekober sa posisyon ni Alaro ang sakayang-pandagat, 5 kilos sang nagkalain-lain nga mga isda kag fishing paraphernalia.

Magapangatubang ang naaresto sa paglapas sa Mun. Ordinance 03-02 series of 2003.

Ginturn- over naman si Alaro kag ang mga kompiskado nga mga items sa MENRO-Panay para sa nagakaigo nga disposisyon.