Patay ang isa ka mangingisda matapos ginaalegar nahulog sa ginasakyan nga fishing boat sa Barangay Culasi, sining syudad.
Ginkilala ang biktima nga si Ronald Guzman 22-anyos sang Balud, Masbate.
Suno kay Arnold delos Santos, tiyo sang biktima natabo ang pagkahulog sang iya hinablos ala una kaina sang kaaganhon.
Wala sang bisan isa nga kaupod ang biktima nga naglumpat para pangitaon ini sa tubig bangud ginpahayag nga wala sila sang kagamitan sa pagsalum.
Ginpahayag nga wala man gilayon ma-imporma ang mga katapu sang Philippine Coastguard kag alas sais na sang aga ginpahibalo bangud madulom sang nagluntad ang insedente.
Nahibaluan pa gikan kay delos Santos nga si certain Alex ang nakakita sang ginaalegar mahulog sa fishing boat ang biktima bangud siya ang nagasakay sa isa ka fishing boat kag ginpahibalo na lamang sa natabo.
Aminado man ang tiyo nga nakainum sila kagab-i, apang indi sila hubog.
Nahibaluan nga duha na ka adlaw nga nakastandby sa baybayon sang Barangay Culasi ang ila fishing boat bangud nasamad ang ila makina.
Luyag man sang tiyo nga ma-imbestigahan ang natabo nga pagkahulog sang hinablos agud mahibaluan kun may foul play ang kamatayon sini.
Sa karon yara na sa isa ka punerarya sa Barangay Lawaan, ang bangkay ni Guzman.
