ROXAS CITY – Nagaapelar subong ang pila ka mga mangingisda sa gobyerno sang siyudad nga hatagan sang aksyon ang mga iligal nga mangingisda nga nagapangisda sa kalalawran nga sakoo sang siyudad sang Roxas.
Ini ang ginpahayag ni Bibing Barniso, mangingisda sang mainterview sang Bombo Radyo.
Suno kay Barniso nga tuman na nga apektado ang ila nga operasyon bangud sa mga iligal nga pagpangisda sa diin indi naman mabalik ang ila sini mga capital
Ginpahayag sini nga madata sa gihapon ang operasyon sang pila ka mga sakayan apang sa pihak sini wala sa gihapon ginahatagan aksyon sang pamunuan sang siyudad.
Nagpawanagan man ini sa gobyerno sang siyudad sa pagpanguna ni Mayor Ronnie Dadivas nga kuntani mangin istrikto ang pagdakop sa mga mangingisda nga nagikan pa sa iban nga mga kaprobinsyahanan.
Nagalain man ang buot ni Barniso bangud bukas ang kalalawran sa mga iligal nga mangingisda apang sa iban nga mga kabanwahanan giandumilian sila sa pagpangisda.
