Lauman ang pagnubo sang pamasahe sa mga eroplano sa palaabuton nga bulan sang Hunyo.
Ini matapos nga magpatuman ang Civil Aeronautics Board (CAB) sang pinakamanubo nga fuel surcharge.
Suno sa CAB, ila nga ginpanubuan sa Level 3 ang surcharge para sa Hunyo halin sa anay Level 4 subong nga bulan sang Mayo.
Bangud sini, magabayad ang mga pasahero sang dugang nga P83 tubtob P300 para sa domestic flights kag P273.36 kag P2,032.54 para sa mga flights sa abroad sa idalom sang Level 3.
Mas manubo ini sa anay Level 4 nga halin sa P117 tubtob P342 para sa domestic flights kag P385.70 tubtob P2,867.82 para sa international flights.
Ang mga fuel surcharges ang dugang nga balayran nga ginapatuman sang mga airline companies agud buligan sila nga makabangon sa balor sang fuel nga ila nga ginabayaran.
Separado ini sa base fare ukon ang aktwal nga ginabayaran sang mga pasahero.
