IVISAN, CAPIZ – Nagapadayon ang assessment sang Local Government Unit sang Ivisan, Capiz sa nangin kahalitan sang bagyo Opong.
Sa interview sang Bombo Radyo kay Mayor Felipe Yap, iya ginpahayag nga may yara sang kabug-osan nga 1,136 ka mga indibidwal ukon katumbas sang 271 ka mga pamilya ang nangin apektado ang nasambit nga bagyo.
Suno kay Mayor Yap, nakahibalo na ang mga pumuluyo sang Ivisan nga kun may yara sang magatupa nga bagyo, gilayon ang mga ini nagakadto sa mga evacuation centers ilabi na ang mga malapit sa shoreline.
Pahayag niya, nakapalab-ot naman ang bulig ang local government kaangay sang mga pagkaon para sa mga pumuluyo nga naapektuhan.
Sa subong, amat-amat na nga nagbalik ang mga evacuees sa ila tagsa ka mga balay bangud wala na sang pag-ulan nga naeksperyensyahan subong nga adlaw.
