ROXAS CITY – Yara na sa kustodiya sang City Social Welfare and Development Office (CSWDO) ang isa ka menor de edad nga ginatudlo yara sa likod sang insidente sang pagpangawat sa Roxas City.
Ginkakibot sang tag-iya sang boardinghouse nga si Marilou Aspera sang iya naabtan sa isa ka hulot nga ginaparentahan sini ang wala na ginhingadlan nga menor de edad nga maanok pa suno sa iya ang tulog.
Bangud diri gilayon nga nagpanawag sang responde ang ginang rason nga ginbitbit ang nasambit nga menor de edad sa CSWDO agud ipakustodiya.
Mahibaluan nga ginguba sang nasambit nga menor de edad ang pirtahan sang amo nga boardinghouse kag natukiban man sa menor de edad nga halos apat ka adlaw na ini nga naga estar sa amo nga hulot kag may iban pa ini nga mga kaupdanan.
Kasunod sini natukiban man nga ang nasambit nga menor de edad kag mga kaupdanan sini ang yara sa likod sang pagpangawat sa garahe sang isa ka barangay kapitan sa Barangay 3, sining siyudad.
