Nagalaum ang mga Mexicano nga makuha ang kadalag-an sang ila national team sa pagbukas sang 2026 FIFA World Cup batok sa South Africa.
Natalana nga magabukas ang FIFA World Cup 2026 sa maragtas sa atubang sang linibo ka mga fans sa Estadio Azteca.
Suno kay Bombo Ivan Marino, international correspondent sa Mexico City, iya ginpahayag nga daku ang pagsalig sang mga fans nga magamit sang Mexico ang bentaha sang home-court kag mabaskog nga suporta gikan sa ila mga kasimanwa agud masiguro ang isa ka importante nga kadalag-an sa opening match.
Ginpangunahan ni head coach Javier Aguirre ang Mexican team sa ila kampanya sa World Cup.
Samtang nagahilapit ang kick-off, mabatyagan ang excitement sa Mexico City bangud sa paglaum sang mga fans nga makaumpisa sa kadalag-an ang ila koponan sa pinakadaku nga torneo sa FIFA World Cup 2026.
