Kumpleto ang mga dokumento kag indi paso ang mga lisensya sang mga armas luthang nga boluntaryo ginsurender ni Mayor Receliste Escolin sa mga kapulisan sa banwa sang Pres.Roxas.
Sa interview sang Bombo Radyo kay Escolin nga nagsunod ini sa panawagan sang kapulisan kag sang Comelec para sa malinong kag matawhay nga eleksyon sa ila banwa.
Dugang pa ni Escolin nga ang rason kung ngaman may ara ini sang mga matag as nga kalibre sang armas luthang kay bangud nga may ara ini sang mga death threat nga nababaton,kag ini ang kabahin sang iya nga pagdepensa sa kaugalingon.
Samtang luyag naman ni Escolin nga matutukan sang mga kapulisan kag militar ang ila banwa samtang nagahilapit ang eleksyon bangud sa mga alegasyon nga may mga armado nga persona nga nagalibot libot sa ila banwa.
