IVISAN CAPIZ – Naubos na pangkakas ang mga campaign materials kaangay sang mga tarpaulin nga ginpangdikit sa palibot sang sang Barangay Malocloc Sur, banwa sang Ivisan.
Sa interview sang Bombo Radyo kay Punong Barangay Allan Delos Santos sang amu nga barangay, ginpahayag nga nagmato-mato nalang ini sila upod sang pila pa ka mga barangay officials, tanod, BHWs kag pila pa ka mga pumuluyo sa pagpangkakas sang mga campaign materials.
Dugang sini, nga may yara sang kapin sa 20 kilos ang nagkalakakas sini nila nga mga tarpaulins kag ang iban ginpangayo sang pila ka mga residente agud nga i-reuse kag i-recycle.
Madumduman nga nagpaguha sang pagsulundan ang Commission on Elections may kaangtanan sa pagpangkakas sang mga tarpaulin nga yara lamang sa sulod sang lima ka adlaw sumugod natapos ang 2025 Midterm Elections.
Nahibaluan nga may yara sang pila pa ka mga campaign materials ang nagapabilin sa paghinakop sang opisyal kag natalana nga i-turnover sa MENRO-Ivisan para sa nakaigo nga disposisyon.
Samtang, nagpasalamat naman si Punong Barangay Delos Santos sa mga nag-upod sa pagpangkakas sang amu nga mga campaign materials.
