Ginpahanumdom ni City Councilor Powell del Rosario ang mga department head sang mga talatapan sa Roxas City Hall nga ilakip sa ila tagsa ka mga budget ang pagpasaka sang sweldo sang mga casual employees sa masunod nga tuig, 2018.
Suno kay del Rosario nga ginbasehan sini ang City ordinance 038-2016 ukon ang pagpataas sang sweldo sang mga casual employess sumugod 2018 kag sa maabot pa nga tinuig.
Ginpahayag sini nga dugangan sang P10 ang tagsa ka mga sweldo sang mga casual employees kada-adlaw sa pagsugod sang una nga adlaw sang tuig 2018.
Mahibaluan nga ini ang nangin kaundan sang previlege speech ni del Rosario sa ila session sang tinalikdan nga adlaw.
Nag-apelar man ini sa committee chairman sang Committee on Finance and Appropriation nga si City Councilor Matthew James Viterbo nga tsekyaron ang tagsa ka mga budget nga ginsumiter sang mga department head kun nalakip ang increase sang sweldo sang mga casual employees.
