Naglab-ot na sa P888.7 million ang kabug-usan nga nakulekta sang Banko Sentral ng Pilipinas pinaagi sa mga coin deposit machines (CoDMs) sini.
Ini ang ginakabug-usan sang 214,475 transaction nagikan sa mga pumuluyo sang pungsod nga may mga gintipon ukon gintago nga coins nga luyag na nga ibaylo ini pinaagi sa mga coin deposits.
Sa karun may yara na sang 25-coin deposit machine ang BSP kun sa diin ginbutang ini sa mga dalagko nga mall sa Metro Manila.
Una ini nga ginlunsyar sadtong June 2023 sa paghandum nga liwat nga magbalik sa sirkulasyon ang mga coins kag mapunggan nga mahitabu ang coin shortage bangud sa pagtago sang mga coins.
Sa subong, ginpahayag sang BSP nga madamu na ang mga nagakainterest na magpabaylo sang ila nga mga coins samtang ang iban naman bultuhan naman ini nga ginahimu.
