ROXAS CITY – Nagapanawagan ang pila ka mga drivers sang public utility vehicle (PUV) sa dugang nga pamasahe bangud sa padayon nga pagtaas sa presyo sang produktong petrolyo.
Sa interview sang Bombo Radyo kay Anthony Celoso, chairman sang Jamindan Transportation Cooperative kag jeepney operator nga may ruta nga Jamindan Camp Peralta, ginpahayag sini nga indi bastante ang ila kita bangud sa pagtaas sang presyo sang gatong.
Suno diri, dako na ang P100 nga may yara sang may ihatag pagpauli sa balay sa bilog nga adlaw nga byahe, apang indi ini bastante sa mga kinahanglanon sang isa ka pamilya.
Bangud sa pagtaas sang presyo sang gatong, pila ka mga drivers na ang nag-untat sa pasada.Dugang pa ni Celoso, nga masuwerte kun ,madamo sang pasahero nga maga-sakay apang tumalagsahon lang ini matabo.
Ginpahayag sini nga indi man sila basta-basta makapasaka sang pamasahe bangud may ginasunod sila nga taripa kag ginahulat ang mandu gikan sa Land Transportation Franchising and Regulatory Board (LTFRB).
