PONTEVEDRA, CAPIZ- Nakabalik na sa tagsa ka mga panimalay ang mga nag-evacuate nga pumuluyo sang Barangay Hipona, Pontevedra, Capiz, matapos ang malapnagon nga pagbaha nga dala sang Bagyo Ramil sa probinsya.
Sa interview sang Bombo Radyo kay Punong Barangay Ditas Beldia sang nasambit nga lugar, iya ginpahayag nga may yara sang 34 ka mga pamilya ang nag-evacuate sa Hipona Elementary School gym sang tion sang malain nga tyempo.
Suno kay Beldia, nasa maayos naman nga kahimtangan ang tagsa ka mga evacuees kag nahatagan man sang gamay nga bulig sang mga officials.
Pahayag nya, ang nasambit nga mga evacuees ang nagikan sa duha nila ka Sitio nga flood prone areas.
Dugang pa sang natungdan, lauman sang iya nga mga nasakupan nga sila sa barangay, magabulig gid sa ila sini nga nasakupan nga mga pumuluyo.
Interviewed by Bombo Francis Biñas
