Ginpasiguro sang mga grupo sang lisensiyado nga gambling operators sa pungsod nga sila ang nagasunod sa anuman nga layi nga ginapatuman sang gobyerno.
Suno sa grupo nga hugot nila nga ginabantayan ang online gambling operations sang mga dalagkuan nga casino operators sa pungsod.
Dugang pa nga aktibo man sila nga nagaduso sang responsable nga paghampang pinaagi sa paggamit sang self-exclusion, deposit limits kag account restrictions.
Hugot man nga nagasunod sa guidelines nga ginapatuman sang Philippine Amusement Gaming Corporation ukon PAGCOR kun ang pagahambalan ang licensing kag accreditation, anti-money laundering regulations, marketing kag advertising policies, data privacy, self-regulation, content review process kag iban pa.
Una na nga ginpahayag sang The Licensed Online Gaming Operators in the Philippines nga indi sila pabor sa total ban sang online gambling kag sa baylo hugtan na lamang ang paghampang.
Matandaan nga ginaduso sang pila ka mga mamalidha ang dalayon nga pag-ban sang online gambling bangud sa kadamuon sang mga na-adik sini.
