Nagalaom ang mga Mexican Fans nga mapadayon ang kadalag-an sang Mexico batok sa South Korea sa June 18 sa nagadapayon nga FIFA World Cup 2026.
Suno kay Julius Besejos Lerdon, international correspondent sa Mexico, iya ginpahayag nga una na nga ginselebra sang mga fans ang pagdaog sang Mexico batok sa South Africa sa pagbukas sang ila kampanya sa torneo.
Kasunod sang selebrasyon, ginpang-deploy sang mga awtoridad ang madamo nga mga kapulisan sa mga street party kag free viewing areas nga ginatambungan sang linibo ka mga football fans agud masiguro ang seguridad.
Dugang pa ni Lerdon, padayon man ang hugot nga seguridad sa palibot sang mga stadium sa diin madamo sang mga private drone agud masiguro ang kaluwasan kag seguridad sang mga tumalambong, atleta, kag iban pa nga partisipante sang torneo.
