ROXAS CITY – Handa nga pamatud-an sang battalion commander sang 61st Infantry Battalion Philippine Army nga matood nga mga New People’s Army (NPA) ang nagsungka kag nagbalik sa sabak sang gobyerno kag indi peke nga NPA kabaliktaran sang ginbuy-an nga pahayag sang Karapatan-Panay Secretary General nga si Reyland Vergara.
Sa exclusive interview sang Bombo Radyo Roxas kay Lt. Col. Sisenando Magbalot Jr., ginhangkat sini si Vergara nga pamatud-an sini ang ginbuy-an nga pahayag, bangud sila sa philippine Army may pruweba nga mga ktapu sang mga NPA ang nagsungka sa ila dala ang matag-as nga kalibre sang armas, bangud luyag na nila nga makaupod ang pamilya.
Ginpasiguro pa ni Magbalot may batunon nga benepisyo ang mga rebel returnees nga magabalik sa sabak sang gobyerno sa idalum sang Comprehensive Local Integration Program (CLIP) kalakip na ang immediate assistance gikan sa gobyerno, livelihood assistance kag dugang nga kantidad para sa magasungka sang ila dala nga armas.
Samtang ginpanginwala ni Magbalot nga may porsyento nga ginakuha ang Phippine Army sa CLIP bangud instrumento lamang sila agud mapatuman ini.
