-- ADVERTISEMENT --
Nagahingagaw pauli sa ila tagsa ka mga probinsya ang mga pasahero sa Pueblo Integrated Terminal, Roxas City.
Sa interview sang Bombo Radyo kay Bon Floro, pasahero, iya ginpahayag nga gikan ini sa Roxas City kag magapadulong sa banwa sang Dumalag, Capiz, agud e selebra sang Semana Santa kaupod ang iya nga pamilya.
Suno kay Floro, magapalandong ini kag maghatag sang oras sa pagpalig-on sang pagtuo.
Ginpahayag man sini nga plano sang iya pamilya ang magtililipon kag magbonding-bonding, lakip na ang pagpaligo sa suba bilang kabahin sang ila simple pero makahulugan nga selebrasyon.
