Yara sa maayos nga kahimtangan ang mga Pilipino nga naga-istar kag naga-ubra sa Indonesia sa pihak sang hublag-protesta nga ginapatigayon sang mga pumuluyo.
Sa interview sang Bombo Radyo kay Bombo Ginavella Limpin-Cumla, International Correspondent nga direkta sa Indonesia, ginapalikaw sila sang embahada sang Pilipinas sa mga lugar nga magamo.
Pahayag niya, nagapadayon ang koordinasyon sang Philippine embassy sa ila nga mga Pinoy nga yara sa amo nga pungsod agud masiguro ang ila nga kaluwasan.
Samtang, ginpakigbahin man sini nga sa karon, temporaryo nga naglinong ang mga raliyista.
Apang suno sa iya, ginalauman sang mga pumuluyo nga subong nga adlaw, Setyembre 5, mahatagan na sang nagakaigo nga igtalupangod ang ila nga panawagan kag kun indi, magapadayon sila sa pagginamo.
Interviewed by Bombo Sunnie Mae Constantino Batencila
