ROXAS CITY, CAPIZ- Nag-evacuate na ang mga residente sang Barangay Baybay, Roxas City nga malapit sa dagat ang tagsa nila ka mga puly-an bangud sa pagpamahog nga dala sang Bagyo Wilma.
Sa interview sang Bombo Radyo kay Punong Barangay Erwin Oroceo, iya ginpahayag nga mismo ang mga pumuluyo na ang nagpadulong sa Barangay Hall nga nagaserbe bilang evacuation center.
Suno kay Oroceo, yara sa siyam tanan ka pamilya ang nag-evacuate sa diin may yara sa pribado kag sa ila nga mga evacuation centers.
Pahayag niya, may bugas man nga ginahatag ang barangay sa mga evacuees bangud nga may napreparar man ini sila.
Nahibaluan nga ang probinsya sang Capiz ang ginpaidalom sa Tropical Wind Cyclone No. 1 bangud sang Bagyo Wilma.
Nagapanawagan naman ang natungdan sa mga pumuluyo nga iya nasakupan nga kun mahimo samtang timprano pa, mag-evacuate na kag indi na paghulat nga maalang-alangan pa.
Interviewed by Bombo Sunnie Mae Constantino Batencila
