ROXAS CITY – Napuhag sang mga buyog ang mga residente sa isa ka barangay sa siyudad sang Roxas bangud sa ginsunog nga putyukan sang isa ka residente.
Sa ginpadala nga mga laragway kag kuha nga video sang isa ka concerned citizen, makit-an ang nagalupad nga mga buyog sa sulod sang ila balay sa Sitio Sacop, Barangay Culasi, Roxas City.
Suno diri perwisyo ang dala sa ila sang amo nga mga insekto bangud napilitan ang mga residente nga patyon ang ila mga suga kagab-i para lamang indi makasulod sa ila mga kabalayan ang mga buyog.
Ginkahadlok man ini sang mga residente bangud sa posibilidad nga sila ang kututon.
Ginapahayag nga gikan ang mga ini sa ginsunog nga putyukan ukon balay sang mga bubuyog sang isa ka residente kun sa diin madasig ini nga naglapta sa ila nga barangay.
