ROXAS CITY -Nagapabilin nga nagahalong ang mga residente sang United Arab Emirates sa pihak nga temporaryo nga ginkakas na ang ‘lockdown’ nga ginpatuman kasunod sang covid-19 disease pandemic.
Ini ang ginkompirmar ni Michelle Anne Deocampo Duronio, Bombo International Correspondent sa UAE.
Ginpahayag ni Duronio nga ginkakas na sang pungsod ang pila ka mga restrictions kasunod sang lockdown apang padayon ang pagsuksok sang mga residente sang facemask kag gloves.
Nagbalik naman sa normal nga operasyon ang pila ka mga pampubliko nga transportasyon sa pungsod apang ginpatuman sa gihapon ang social distancing.
Gindugang pa sini nga sa pihak nga nagbalik sa normal ang operasyon ang pila ka mga opisina apang 30 porsyento lamang sang mga empleyado ang ginapasugtan nga magtrabaho kada adlaw.
Igapatuman naman sang pungsod ang mandatory testing sa mga empleyado sa mga malls nga magabalik sa operasyon.
Samtang patigayunon naman pinaagi sa live broadcast ang pila ka mga aktibidades kasunod sang pag-obserbar sang Ramadan.
