Nagapabilin sa Intensive Care Unit sa Thailand si Miss Jamaica Gabrielle Henry, matapos nga nahulog gikan sa entablado sang Miss Universe 2025 preliminaries sang Nobyembre 19, 2025.
Nahulog siya samtang nagalakat sa runway nga nagasuksok sang orange nga gown kag high heela sa evening gown competition.
Gilayon ini nga gindala sa ospital, partikular sa ICU para sa intensive care.
Suno sa iya utod nga si Dr. Phylicia Henry-Samuels, indi pa maayo ang iya kahimtangan.
Ginmanduan sang mga doktor nga magtener sa ICU sa indi magnubo sa pito ka adlaw para sa padayon nga pag-obserbar.
Kaupod niya sa Thailand ang iya utod agud mag suporta sa iya.
Nagpanawagan naman ang Miss Universe Jamaica Organization sang mga pangamuyo kag paghangop para kay Gabrielle.
Madamo naman nga mga pageant fans ang nagpabutyag sang suporta kag kabalaka sa iya kahimtangan, nga nagtuga sang daku nga kakugmat sa Miss Universe community.
