PILAR, CAPIZ – Padayon sa karon nga ginabulong sa Roxas Memorial Provincial Hospital ang 31 anyos nga mister matapos ginlabu kag gintiro sa Barangay San Ramon, Pilar, Capiz.
Ginkilala ang biktima kay Joven Verbo, residente sang nasambit man nga lugar.
Base sa inisyal nga impormasyon nga nakuha sang Bombo Radyo, pauli na kuntani ang biktima sang ginaalegar ginlabu gamit ang bolo kag gintiro sang suspek nga iya man kasimaryo nga si Lucas Tallente, Jr..
Bangud diri, nag-angkon sang pilas sa nawala nga porsyon sang abaga tuga sang pagpalabu ang biktima kag naigu naman sa iya nga paa tuga sang pagpangtiro.
Sa karon indi pa matul-id kun ano ang motibo sang suspek sa pagpanglabu kag pagpangtiro sa biktima.
Padayon naman nga ginaayam sang mga kapulisan ang suspetsado.
